Будимпешта - Kралица на Дунав, преполна со култура која освојува и заведува, преполна со романтични мостови и широки булевари, улички со калдрма, живописни куќи... Со спојувањето на трите града- Будим, Обуда и Пешта во 1873 год. настанала единствената Будимпешта, денес град со околу 2 милиони жители, административен, културен, научен, трговски и сообраќаен центар на Унгарија. Будимскиот дворец, авенијата Андраши со плоштадот на хероите и Милениумската подземна железница се прогласени за светско културно наследство под заштита на УНЕСКО. Ако сте љубители на уметноста, архитектурата и историјата Будимпешта е вистинскиот избор за Вас.

​

1 ДЕН (28.12.2022 – среда): СКОПЈЕ – БУДИМПЕШТА

Состанок  на групата пред спортската сала Борис Трајковски  во 13.00 часот. Тргнување за Будимпешта во 13.30 часот. Се патува преку Србија со куси попатни паузи. Ноќно возење.

​

2 ДЕН (29.12.2022 – четврток): БУДИМПЕШТА

Пристигнување во Будимпешта во утринските часови. Факултативно Ве водиме на панорамско разгледување на градот : Споменикот на Милениумот, Операта, улиците Ваци, Андраши, Ракочи, Парламентот, црквата "Св. Стефан", мостовите на Дунав, Будим, Цитаделата, Кралската палата, црквата "Св. Матејас", Рибарската тврдина...  Слободно време за индивидуални прошетки и ручек. Сместување во хотел...  Ноќевање.

​

3 ДЕН (30.12.2022 – петок): БУДИМПЕШТА – ВИЕНА

Појадок. Препорачуваме  целодневна посета на Виена со попатна пауза во аутлет шопинг центарот PARNDORFF. Панорамско разгледување на градот: Рингот, Парламентот, Виенската Опера, градското Собрание, Палатата Хофбург, Катедралата Св.Стефан. Слободно време за прошетки низ стариот дел на градот. Враќање во Будимпешта. Ноќевање

​

4 ДЕН (31.12.2022 – сабота): БУДИМПЕШТА – ЕСТЕРГОМ – ВИШЕГРАД – СЕНТ АНДРЕА

По појадокот следи целодневен факултативен излет до Естергом и Вишеград - некогашните центри на кралска Унгарија. Пристигнување во Естергом - град кој лежи на брегот на Дунав, воедно и природна граница помеѓу Р.Унгарија и Р.Словачка. Разглед на градот со локален водич и посета на Естергомската катедрала која е највисоката црква во Р.Унгарија. Патот продолжува кон Вишеград, каде се наоѓа летната резиденција на кралот Матијас, некогашното кралско седиште на Унгарија. Попладне попатна посета на живописното градче Ст. Андреја - каде се негуваат старата архитектура и народните ракотворби, богато со голем број винотеки, музеи, галерии и цркви. Разглед на градот  и слободно време за индивидуални прошетки и ручек. Враќање во Будимпешта во попладневните часови со можност  за факултативно крстарење со брод по Дунав, под прекрасните мостови со можност за единствен поглед од вода на најимпозантните објекти во Будим и Пешта .  Враќање во хотел. Ноќевање

 

5 ДЕН (01.01.2023 – недела): БУДИМПЕШТА

Појадок.По појадокот, одјавување од хотел. Слободен ден во центарот на Будимпешта. Поаѓање за Македонија во попладневните  часови. Ноќно возење со попатни паузи за одмор и царински формалности.

 

6 ДЕН (02.01.2023 – понеделник): СКОПЈЕ

Пристигнување во Скопје во утринските  часови.

 

РЕДОВНА ЦЕНА НА АРАНЖМАНОТ:  199 €/ 12.340 денари

 

ЦЕНАТА НА АРАНЖМАНОТ ВКЛУЧУВА:

• Превоз со високотуристички автобус

• 3 ноќевања со појадок во хотел 3* НП во Будимпешта(околина)

• Организација на аранжманот

• Лиценциран туристички придружник

•           

ЦЕНАТА НА АРАНЖМАНОТ НЕ  ВКЛУЧУВА:

• Задолжително патничко осигурување (се плаќа во агенција)

• Крстарење по Дунав  20€

• Посета на Естергом, Вишеград и Сент Андреа  30€

• Посета на Виена и  OUTLET SHOPING CENTER PARNDORF  50€

• Задолжителен разглед на Будимпешта со локален водич 15€

***ПАКЕТ ИЗЛЕТИ – Будимпешта – Крстарење – Виена – Сент Андреа - 110€

• Влезници за музеи и културно-историски знаменитости

• Доплата за еднокреветна соба  3.600 денари

• Доплата за седиште по избор 10€

 

 НАПОМЕНИ:

• За реализација на ова патување, потребен е минимум од 45 патници.

• Редоследот на седење е според датумот и редоследот на уплата

• Плаќањето се врши исклучиво во денарска противвредност по курс 1 евро = 62 денари

• За резервација на аранжманот потребна е аконтација од 30%, целосна уплата најдоцна 10 дена пред поаѓање

• Агенцијата го задржува правото за отказ на аранжманот најмалку 5 дена пред поаѓање, поради недоволен број на патници или виша сила.

• Патникот има обврска да се јави 24ч. пред патувањето за да потврди термин и час на поаѓање.